1. Tras a colleita do cánabo en Alemaña, Circular Systems recolle os restos desta planta e, cunha máquina especial, separan os talos verdes das follas e sementes.

2. Os talos de cánabo ábrense, córtanse e sécanse. A continuación, as fibras de cánabo sepáranse e refínanse para facelas adecuadas para a produción de pezas e tecidos.

3. As fibras resultantes, chamadas BioFibre™, mestúranse con outras fibras, como algodón orgánico ou reciclado, para crear novos fíos.

En 2022 o Grupo asinou un acordo co IFAPA e Espalgodón para impulsar actividades de investigación, formación e desenvolvemento tecnolóxico no cultivo de algodón en Andalucía. Esta colaboración, que ten unha duración de catro anos, busca avanzar en mellores prácticas dende o punto de vista ambiental e na mellora da produtividade destes cultivos. De feito, froito deste acordo desenvolveuse un primeiro ensaio de algodón orgánico en dous predios da provincia de Sevilla, co fin de estudar a súa viabilidade e rendemento respecto ao algodón convencional.
Dentro desta colaboración, tamén se desenvolverán pilotos en cuestións clave para o sector, como o cultivo desta fibra en condicións de rega deficitaria e a análise de calidade da materia prima. Ademais, inclúe ensaios das diferentes variedades de algodón ou das maquinarias utilizadas para a súa recolección. O obxectivo é escalar estes resultados ao conxunto do sector.

Plastics for Change nace en 2011 coa misión de utilizar residuos plásticos como un recurso e desenvolver infraestruturas de reciclaxe en rexións en desenvolvemento de India que supoñen a creación de postos de traballo para algúns dos membros máis vulnerables da sociedade.