Puré de cenoria Pelar e cortar as cenorias. Refogalas nunha cazola con 30 ml de aceite e unha culleriña de sal. Fritir a lume baixo e engadir auga ata cubrir. Cociñar ata que estean brandas. Triturar e reservar.
Puré de millo Ferver o millo durante 10 minutos. Debullalo e triturar xunto con 75 ml de auga de cocción e un chisco de sal. Reservar.
ELABORACIÓN
2/
Puré de xudías verdes Quitar as puntas ás xudías e fervelas durante 3 minutos. Cortar a cocción con auga e xeo. Triturar con 50 ml de auga de cocción e unha culleriña de sal. Reservar.
Puré de pemento vermello Asar o pemento vermello no forno durante 30 minutos a 170 ºC. Unha vez asado, pelalo e triturar cunha culleriña de sal. Reservar. O obxectivo é obter catro purés de textura similar e de distintas cores.
ELABORACIÓN
3/
Puré de pataca Ferver as patacas peladas ata que estean cocidas. Trituralas nun batedor xunto con 50 ml de aceite de oliva e 50 ml de auga de cocción. Sazonar ao gusto.
Ovos poché Poñer a ferver a auga nun cazo e, cando empece a ferver, baixar o lume ata que estea lixeiramente burbullando (85-90 ºC). Engadir unha cullerada de vinagre (opcional, axuda a coagular a clara máis rápido). Romper o ovo nun cunco pequeno para facilitar a súa vertedura. Crear un remuíño na auga cunha culler e verter o ovo suavemente no centro. Cociñar durante 2-3 minutos, ata que a clara estea callada e a xema siga líquida. Retirar cunha espumadeira e escorrer sobre papel de cociña.
Maionesa de atún No vaso do batedor, verter un ovo e o aceite da lata de atún. Emulsionar como unha maionesa tradicional. Axustar de sal.
Acabado e presentación Colocar na base do prato ou cunco unha cullerada de puré de pataca. Colocar o ovo enriba e tapar coa maionesa de atún. Colocar enriba unha cullerada de cada un dos purés de verduras, formando a decoración que se desexe.
